Hüquq elmləri doktoru Mayis Əliyev 1994-cü ildən etibarən Bakı Dövlət Universitetinin Əmək və Ekologiya hüququ kafedrasında baş müəllim, dosent kimi çalışırdı və hal-hazırda, professor kimi fəaliyyət göstərir. Azərbaycan Respublikasının Əmək və Əhalinin Sosial Müdafiə Nazirliyi yanında İctimai Şuranın sədri, Azərbaycan Respublikası Milli Məclisinin Sosial siyasət komitəsinin eksperti, Sosial hüquqların araşdırılması İctimai Birliyinin sədri, Azərbaycan Respublikasının Prezidenti yanında Ali Attestasiya Komissiyasının hüquq elmləri üzrə ekspert şurasının, Rusiya Hüquq elmləri Akademiyasının üzvi, BDU-nun Hüquq fakültəsinin Tədris-Metodiki şurasının sədri Mayis müəllim, 11 kitabın , 175 elmi məqalənin və 17 tezisin müəllifidir. Əlavə olaraq qeyd edək ki, Mayis müəllim beynəlxalq və milli təşkilatların təşkil etdiyi bir çox təlimlərində iştirak edib.